Parva 3, Adhyāya 42

भगवता नृसिंहेन देवगन्धर्वाप्सरोभिः दैत्येभिश्च सेवितं हिरण्यकशिपुओः दर्शनं तस्यां सभायां दैत्येन्द्रो हिरण्यकशिपुः प्रभुः ।आसीन आसने दिव्ये नल्वमात्रे प्रमाणतः॥ 1 ॥

bhagavatā nṛsiṃhena devagandharvāpsarobhiḥ daityebhiśca sevitaṃ hiraṇyakaśipuoḥ darśanaṃ tasyāṃ sabhāyāṃ daityendro hiraṇyakaśipuḥ prabhuḥ | āsīna āsane divye nalvamātre pramāṇataḥ

दिवाकरनिभे रम्ये दिव्यास्तरणसम्भृते ।रराज सुचिरं राजन् ज्वलत्काञ्चनकुण्डलः॥ 2 ॥

divākaranibhe ramye divyāstaraṇasambhṛte | rarāja suciraṃ rājan jvalatkāñcanakuṇḍalaḥ

तस्य दैत्यपतेर्मन्दं विरजस्कं समन्ततः ।दिव्यगन्धवहस्तत्र मारुतः सुमुखो ववौ॥ 3 ॥

tasya daityapatermandaṃ virajaskaṃ samantataḥ | divyagandhavahastatra mārutaḥ sumukho vavau

तत्र देवाः सगन्धर्वा गणैरप्सरसां वृताः ।दिव्यतालेन दिव्यानि जगुर्गीतानि गायनाः॥ 4 ॥

tatra devāḥ sagandharvā gaṇairapsarasāṃ vṛtāḥ | divyatālena divyāni jagurgītāni gāyanāḥ

वहो देवता तथा अप्सराओंसे घिरे हुं गन्धर्व गायक बनकर दिव्य तालके साथ दिव्य गीत गाते ये॥ 4b ॥

vaho devatā tathā apsarāoṃse ghire huṃ gandharva gāyaka banakara divya tālake sātha divya gīta gāte ye

विश्वाची सहजन्या च प्रम्लोचेत्यभिविश्रुता ।दिव्या च सौरभेयी च समीची पुञ्जिकस्थला॥ 5 ॥

viśvācī sahajanyā ca pramlocetyabhiviśrutā | divyā ca saurabheyī ca samīcī puñjikasthalā

मिश्रकेशी च रम्भा च चित्रसेना शुचिस्मिता ।चारुनेत्रा घृताची च मेनका चोर्वशी तथा॥ 6 ॥

miśrakeśī ca rambhā ca citrasenā śucismitā | cārunetrā ghṛtācī ca menakā corvaśī tathā

एताः सहस्रशश्चान्या नृत्यगीतविशारदाः ।उपतिष्ठन्ति राजानं हिरण्यकशिपुं तदा॥ 7 ॥

etāḥ sahasraśaścānyā nṛtyagītaviśāradāḥ | upatiṣṭhanti rājānaṃ hiraṇyakaśipuṃ tadā

हिरण्यकशिपुस्तत्र विचित्राभरणाम्बरः ।स्त्रीसहस्रैः परिवृतस्तस्थौ ज्वलितकुण्डलः॥ 8 ॥

hiraṇyakaśipustatra vicitrābharaṇāmbaraḥ | strīsahasraiḥ parivṛtastasthau jvalitakuṇḍalaḥ

तत्रासीनं महाबाहुं हिरण्यकशिपुं प्रभुम् ।उपासन्ति दितेः पुत्राः सर्वे लब्धवराः पुरा॥ 9 ॥

tatrāsīnaṃ mahābāhuṃ hiraṇyakaśipuṃ prabhum | upāsanti diteḥ putrāḥ sarve labdhavarāḥ purā

बलिर्वैरोचनस्तत्र नरकः पृथिवीजयः ।प्रह्रादो विप्रचित्तिश्च गविष्ठश्च महासुरः॥ 10 ॥

balirvairocanastatra narakaḥ pṛthivījayaḥ | prahrādo vipracittiśca gaviṣṭhaśca mahāsuraḥ

चन्द्रहन्ता क्रोधहन्ता सुमनाः सुमतिः खरः ।घटोदरो महापार्श्वः क्रथनः पिठरस्तथा॥ 11 ॥

candrahantā krodhahantā sumanāḥ sumatiḥ kharaḥ | ghaṭodaro mahāpārśvaḥ krathanaḥ piṭharastathā

विश्वरूपश्च रूपश्च विरूपश्च महाद्युतिः ।दशग्रीवश्च वाली च मेघवासा महारवः॥ 12 ॥

viśvarūpaśca rūpaśca virūpaśca mahādyutiḥ | daśagrīvaśca vālī ca meghavāsā mahāravaḥ

कटाभो विकटाभश्च संह्रादश्चेन्द्रतापनः ।दैन्यदानवसङ्घाश्च सर्वे ज्वलितकुण्डलाः॥ 13 ॥

kaṭābho vikaṭābhaśca saṃhrādaścendratāpanaḥ | dainyadānavasaṅghāśca sarve jvalitakuṇḍalāḥ

स्रग्विणो वाग्मिनः सर्वे सर्वे सुचरितव्रताः ।सर्वे लब्धवराः शूरा सर्वे विगतमृत्यवः॥ 14 ॥

sragviṇo vāgminaḥ sarve sarve sucaritavratāḥ | sarve labdhavarāḥ śūrā sarve vigatamṛtyavaḥ

एते चान्ये च बहवो हिरण्यकशिपुं प्रभुम् ।उपासन्ते महात्मानं सर्वे दिव्यपरिच्छदाः॥ 15 ॥

ete cānye ca bahavo hiraṇyakaśipuṃ prabhum | upāsante mahātmānaṃ sarve divyaparicchadāḥ

विमानैर्विविधैरग्र्यैर्भ्राजमानैरिवार्चिभिः ।स्रग्विणो भूषणधरा यान्ति चायान्ति हेलया॥ 16 ॥

vimānairvividhairagryairbhrājamānairivārcibhiḥ | sragviṇo bhūṣaṇadharā yānti cāyānti helayā

विचित्राभरणोपेता विचित्रवसनास्तथा ।विचित्रशस्त्रकवचा विचित्रध्वजवाहनाः॥ 17 ॥

vicitrābharaṇopetā vicitravasanāstathā | vicitraśastrakavacā vicitradhvajavāhanāḥ

महेन्द्रचापसङ्काशैर्विचित्रैरङ्गदैर्वरैः ।भूषिताङ्गा दितेः पुत्रास्तमुपासन्ति नित्यशः॥ 18 ॥

mahendracāpasaṅkāśairvicitrairaṅgadairvaraiḥ | bhūṣitāṅgā diteḥ putrāstamupāsanti nityaśaḥ

तस्यां सभायां दिव्यायामसुराः पर्वतोपमाः ।हिरण्यमुकुटाः सर्वे दिवाकरसमप्रभाः॥ 19 ॥

tasyāṃ sabhāyāṃ divyāyāmasurāḥ parvatopamāḥ | hiraṇyamukuṭāḥ sarve divākarasamaprabhāḥ

कनकमणिविचित्रवेदिकायामुपहितरत्नसहस्रवीथिकायाम् ।स ददर्श मृगाधिपः सभायां सुरुचिरदन्तगवाक्षसंवृतायाम्॥ 20 ॥

kanakamaṇivicitravedikāyāmupahitaratnasahasravīthikāyām | sa dadarśa mṛgādhipaḥ sabhāyāṃ suruciradantagavākṣasaṃvṛtāyām

कनकविमलहारभूषिताङ्गं दितितनयं स मृगाधिपो ददर्श ।दिनकरकरप्रभं ज्वलन्तमसुरसहस्रगणैर्निषेव्यमाणम्॥ 21 ॥

kanakavimalahārabhūṣitāṅgaṃ dititanayaṃ sa mṛgādhipo dadarśa | dinakarakaraprabhaṃ jvalantamasurasahasragaṇairniṣevyamāṇam