पद १०६

महाराज रामादर्‌यो धन्य सोई ।गरुअ, गुनरासि, सरबग्य, सुकृती, सूर, सील-निधि, साधु तेहि सम न कोई॥ 1 ॥

mahārāja rāmādar‌yo dhanya soī | garua, gunarāsi, sarabagya, sukṛtī, sūra, sīla-nidhi, sādhu tehi sama na koī

उपल, केवट, कीस, भालु, निसिचर, सबरि, गीध सम-दम-दया-दान-हीने ।नाम लिये राम किये परम पावन सकल, नर तरत तिनके गुन-गान कीने॥ 2 ॥

upala, kevaṭa, kīsa, bhālu, nisicara, sabari, gīdha sama-dama-dayā-dāna-hīne | nāma liye rāma kiye parama pāvana sakala, nara tarata tinake guna-gāna kīne

ब्याध अपराधकी साध राखी कहा, पिंगलै कौन मति भगति भेई ।कौन धों सोमजाजी अजामिल अधम, कौन गजराज धों बाजपेयी॥ 3 ॥

byādha aparādhakī sādha rākhī kahā, piṃgalai kauna mati bhagati bheī | kauna dhoṃ somajājī ajāmila adhama, kauna gajarāja dhoṃ bājapeyī

पांडु-सुत, गोपिका, बिदुर, कुबरी, सबरि, सुद्ध किये सुद्धता लेस कैसो ।प्रेम लखि कृस्न किये आपने तिनहुँको, सुजस संसार हरिहरको जैसो॥ 4 ॥

pāṃḍu-suta, gopikā, bidura, kubarī, sabari, suddha kiye suddhatā lesa kaiso | prema lakhi kṛsna kiye āpane tinahu~ko, sujasa saṃsāra hariharako jaiso

कोल, खस, भील, जवनादि खल राम कहि, नीच ह्वै ऊँच पद को न पायो ।दीन-दुख-दवन श्रीरवन करुना-भवन, पतित-पावन बिरद बेद गायो॥ 5 ॥

kola, khasa, bhīla, javanādi khala rāma kahi, nīca hvai ū~ca pada ko na pāyo | dīna-dukha-davana śrīravana karunā-bhavana, patita-pāvana birada beda gāyo

मंदमति, कुटिल, खल-तिलक तुलसी सरिस, भो न तिहुँ लोक तिहुँ काल कोऊ ।नामकी कानि पहिचानि पन आपनो, ग्रसित कलि-ब्याल राख्यो सरन सोऊ॥ 6 ॥

maṃdamati, kuṭila, khala-tilaka tulasī sarisa, bho na tihu~ loka tihu~ kāla koū | nāmakī kāni pahicāni pana āpano, grasita kali-byāla rākhyo sarana soū