पद २०९

नाहिनै नाथ! अवलंब मोहि आनकी ।करम-मन-बचन पन सत्य करुनानिधे, एक गति राम! भवदीय पदत्रानकी॥ 1 ॥

nāhinai nātha! avalaṃba mohi ānakī | karama-mana-bacana pana satya karunānidhe, eka gati rāma! bhavadīya padatrānakī

कोह-मद-मोह-ममतायतन जानि मन, बात नहिं जाति कहि ग्यान-बिग्यानकी ।काम-संकल्प उर निरखि बहु बासनहिं, आस नहिं एकहू आँक निरबानकी॥ 2 ॥

koha-mada-moha-mamatāyatana jāni mana, bāta nahiṃ jāti kahi gyāna-bigyānakī | kāma-saṃkalpa ura nirakhi bahu bāsanahiṃ, āsa nahiṃ ekahū ā~ka nirabānakī

बेद-बोधित करम धरम बिनु अगम अति, जदपि जिय लालसा अमरपुर जानकी ।सिद्ध-सुर-मनुज-दनुजादिसेवत कठिन, द्रवहिं हठजोग दिये भोग बलि प्रानकी॥ 3 ॥

beda-bodhita karama dharama binu agama ati, jadapi jiya lālasā amarapura jānakī | siddha-sura-manuja-danujādisevata kaṭhina, dravahiṃ haṭhajoga diye bhoga bali prānakī

भगति दुरलभ परम, संभु-सुक-मुनि-मधुप, प्यास पदकंज-मकरंद-मधुपानकी ।पतित-पावन सुनत नाम बिश्रामकृत, भ्रमित पुनि समुझि चित ग्रंथि अभिमानकी॥ 4 ॥

bhagati duralabha parama, saṃbhu-suka-muni-madhupa, pyāsa padakaṃja-makaraṃda-madhupānakī | patita-pāvana sunata nāma biśrāmakṛta, bhramita puni samujhi cita graṃthi abhimānakī

नरक-अधिकार मम घोर संसार-तम-कूपकहिं, भूप! मोहि सक्ति आपानकी ।दासतुलसी सोउ त्रास नहिं गनत मन, सुमिरि गुह गीध गज ग्याति हनुमानकी॥ 5 ॥

naraka-adhikāra mama ghora saṃsāra-tama-kūpakahiṃ, bhūpa! mohi sakti āpānakī | dāsatulasī sou trāsa nahiṃ ganata mana, sumiri guha gīdha gaja gyāti hanumānakī