पद २५८

जानि पहिचानि मैं बिसारे हौं कृपानिधान! एतो मान ढीठ हौं उलटि देत खोरि हौं ।करत जतन जासों जोरिबे को जोगीजन, तासों क्योंहू जुरी, सो अभागो बैठो तोरि हौं॥ 1 ॥

jāni pahicāni maiṃ bisāre hauṃ kṛpānidhāna! eto māna ḍhīṭha hauṃ ulaṭi deta khori hauṃ | karata jatana jāsoṃ joribe ko jogījana, tāsoṃ kyoṃhū jurī, so abhāgo baiṭho tori hauṃ

मोसो दोस-कोसको भुवन-कोस दूसरो न, आपनी समुझि सढ़ि आगे हक्कोरि हौं ।गाड़ीके खानकी नाईं, माया मोहकी बड़ाई, छिनहिं तजत, छिन भजत बहोरि हौं॥ 2 ॥

moso dosa-kosako bhuvana-kosa dūsaro na, āpanī samujhi saḍha़i āge hakkori hauṃ | gāḍa़īke khānakī nāīṃ, māyā mohakī baḍa़āī, chinahiṃ tajata, china bhajata bahori hauṃ

बड़ो साईं-द्रोही न बराबरी मेरीको कोऊ, नाथकी सपथ किये कहत करोरि हौं ।दूरि कीजै द्वारतें लबार लालची प्रपंची, सुधा-सो सलिल सूकरी ज्यों गहडोरिहौं॥ 3 ॥

baḍa़o sāīṃ-drohī na barābarī merīko koū, nāthakī sapatha kiye kahata karori hauṃ | dūri kījai dvārateṃ labāra lālacī prapaṃcī, sudhā-so salila sūkarī jyoṃ gahaḍorihauṃ

राखिये नीके सुधारि, नीचको डारिये मारि, दुहूँ ओरकी बिचारि, अब न निहोरिहौं ।तुलसी कही है साँची रेख बार बार खाँची, ढील किये नाम-महिमाकी नाव बोरिहौं॥ 4 ॥

rākhiye nīke sudhāri, nīcako ḍāriye māri, duhū~ orakī bicāri, aba na nihorihauṃ | tulasī kahī hai sā~cī rekha bāra bāra khā~cī, ḍhīla kiye nāma-mahimākī nāva borihauṃ