पद २७६

कहा न कियो, कहाँ न गयो, सीस काहि न नायो? ।राम रावरे बिन भये जन जनमि-जनमि जग दुख दसहू दिसि पायो॥ 1 ॥

kahā na kiyo, kahā~ na gayo, sīsa kāhi na nāyo? | rāma rāvare bina bhaye jana janami-janami jaga dukha dasahū disi pāyo

आस-बिबस खास दास ह्वै नीच प्रभुनि जनायो ।हा हा करि दीनता कही द्वार-द्वार बार-बार, परी न छार, मुहँ बायो॥ 2 ॥

āsa-bibasa khāsa dāsa hvai nīca prabhuni janāyo | hā hā kari dīnatā kahī dvāra-dvāra bāra-bāra, parī na chāra, muha~ bāyo

असन-बसन बिनु बावरो जहँ-तहँ उठि धायो ।महिमा मान प्रिय प्रानते तजि खोलि खलनि आगे, खिनु-खिनु पेट खलायो॥ 3 ॥

asana-basana binu bāvaro jaha~-taha~ uṭhi dhāyo | mahimā māna priya prānate taji kholi khalani āge, khinu-khinu peṭa khalāyo

नाथ! हाथ कछु नाहि लग्यो, लालच ललचायो ।साँच कहौं, नाच कौनसो, जो न मोहि लोभ लघु हौं निरलज्ज नचायो॥ 4 ॥

nātha! hātha kachu nāhi lagyo, lālaca lalacāyo | sā~ca kahauṃ, nāca kaunaso, jo na mohi lobha laghu hauṃ niralajja nacāyo

श्रवन-नयन-मग-मन लगे, सब थल पतितायो ।मूड़ मारि, हिय हारिकै, हित हेरि हहरि अब चरन-सरन तकि आयो॥ 5 ॥

śravana-nayana-maga-mana lage, saba thala patitāyo | mūḍa़ māri, hiya hārikai, hita heri hahari aba carana-sarana taki āyo

दसरथके! समरथ तुही, त्रिभुवन जसु गायो ।तुलसी नमत अवलोकिये, बाँह-बोल बलि दै बिरुदावली बुलायो॥ 6 ॥

dasarathake! samaratha tuhī, tribhuvana jasu gāyo | tulasī namata avalokiye, bā~ha-bola bali dai birudāvalī bulāyo