पद ४६

सदा-- राम जपु, राम जपु, राम जपु, राम जपु, राम जपु, मूढ़ मन, बार बारं ।सकल सौभाग्य-सुख-खानि जिय जानि शठ, मानि बिश्वास बद वेदसारं॥ 1 ॥

sadā-- rāma japu, rāma japu, rāma japu, rāma japu, rāma japu, mūḍha़ mana, bāra bāraṃ | sakala saubhāgya-sukha-khāni jiya jāni śaṭha, māni biśvāsa bada vedasāraṃ

कोशलेन्द्र नव-नीलकंजाभतनु, मदन-रिपु-कंजहृदि-चंचरीकं ।जानकीरवन सुखभवन भुवनैकप्रभु, समर-भंजन, परम कारुनीकं॥ 2 ॥

kośalendra nava-nīlakaṃjābhatanu, madana-ripu-kaṃjahṛdi-caṃcarīkaṃ | jānakīravana sukhabhavana bhuvanaikaprabhu, samara-bhaṃjana, parama kārunīkaṃ

दनुज-बन-धूमधुज, पीन आजानुभुज, दंड-कोदंडवर चंड बानं ।अरुनकर चरण मुख नयन राजीव, गुन-अयन, बहु मयन-शोभा-निधानं॥ 3 ॥

danuja-bana-dhūmadhuja, pīna ājānubhuja, daṃḍa-kodaṃḍavara caṃḍa bānaṃ | arunakara caraṇa mukha nayana rājīva, guna-ayana, bahu mayana-śobhā-nidhānaṃ

बासनाबृंद-कैरव-दिवाकर, काम-क्रोध-मद-कंज-कानन-तुषारं ।लोभ अति मत्त नागेंद्र पंचाननं भक्तहित हरण संसार-भारं॥ 4 ॥

bāsanābṛṃda-kairava-divākara, kāma-krodha-mada-kaṃja-kānana-tuṣāraṃ | lobha ati matta nāgeṃdra paṃcānanaṃ bhaktahita haraṇa saṃsāra-bhāraṃ

केशवं, क्लेशहं, केश-बंदित पद-द्वंद्व मंदाकिनी-मूलभूतं ।सर्बदानंद-संदोह, मोहापहं, घोर-संसार-पाथोधि-पोतं॥ 5 ॥

keśavaṃ, kleśahaṃ, keśa-baṃdita pada-dvaṃdva maṃdākinī-mūlabhūtaṃ | sarbadānaṃda-saṃdoha, mohāpahaṃ, ghora-saṃsāra-pāthodhi-potaṃ

शोक-संदेह-पाथोदपटलानिलं, पाप-पर्बत-कठिन-कुलिशरूपं ।संतजन-कामधुक-धेनु, बिश्रामप्रद, नाम कलि-कलुष-भंजन अनूपं॥ 6 ॥

śoka-saṃdeha-pāthodapaṭalānilaṃ, pāpa-parbata-kaṭhina-kuliśarūpaṃ | saṃtajana-kāmadhuka-dhenu, biśrāmaprada, nāma kali-kaluṣa-bhaṃjana anūpaṃ

धर्म-कल्पद्रुमाराम, हरिधाम-पथि संबलं, मूलसिद्धेश एकं ।भक्ति-बैराग्य-बिज्ञान-शम-दान-दम, नाम, आधीन साधन अनेकं॥ 7 ॥

dharma-kalpadrumārāma, haridhāma-pathi saṃbalaṃ, mūlasiddheśa ekaṃ | bhakti-bairāgya-bijñāna-śama-dāna-dama, nāma, ādhīna sādhana anekaṃ

तेन तप्तं, हुतं, दत्तमेवाखिलं, तेन सर्वे कृतं कर्मजालं ।येन श्रीरामनामामृतं पानकृतमनिशमनवद्यमवलोक्य कालं॥ 8 ॥

tena taptaṃ, hutaṃ, dattamevākhilaṃ, tena sarve kṛtaṃ karmajālaṃ | yena śrīrāmanāmāmṛtaṃ pānakṛtamaniśamanavadyamavalokya kālaṃ

श्वपच, खल, भिल्ल, यवनादि हरिलोकगत, नामबल बिपुल मति मल न परसी ।त्यागि सब आस, संत्रास, भवपास, असि निसित हरिनाम जपु दासतुलसी॥ 9 ॥

śvapaca, khala, bhilla, yavanādi harilokagata, nāmabala bipula mati mala na parasī | tyāgi saba āsa, saṃtrāsa, bhavapāsa, asi nisita harināma japu dāsatulasī