पद ७४

जानकीस की कृपा जगावती सुजान जीव, जागि त्यागि मूढ़ताऽनुरागु श्रीहरे ।करि बिचार, तजि बिकार, भजु उदार रामचंद्र, भद्रसिंधु, दीनबंधु, बेद बदत रे॥ 1 ॥

jānakīsa kī kṛpā jagāvatī sujāna jīva, jāgi tyāgi mūḍha़tā'nurāgu śrīhare | kari bicāra, taji bikāra, bhaju udāra rāmacaṃdra, bhadrasiṃdhu, dīnabaṃdhu, beda badata re

मोहमय कुहू-निसा बिसाल काल बिपुल सोयो, खोयो सो अनूप रूप सुपन जू परे ।अब प्रभात प्रगट ग्यान-भानुके प्रकास, बासना, सराग मोह-द्वेष निबिड़ तम टरे॥ 2 ॥

mohamaya kuhū-nisā bisāla kāla bipula soyo, khoyo so anūpa rūpa supana jū pare | aba prabhāta pragaṭa gyāna-bhānuke prakāsa, bāsanā, sarāga moha-dveṣa nibiḍa़ tama ṭare

भागे मद-मान चोर भोर जानि जातुधान काम-कोह-लोभ-छोभ-निकर अपडरे ।देखत रघुबर-प्रताप, बीते संताप-पाप, ताप त्रिबिध प्रेम-आप दूर ही करे॥ 3 ॥

bhāge mada-māna cora bhora jāni jātudhāna kāma-koha-lobha-chobha-nikara apaḍare | dekhata raghubara-pratāpa, bīte saṃtāpa-pāpa, tāpa tribidha prema-āpa dūra hī kare

श्रवन सुनि गिरा गँभीर, जागे अति धीर बीर, बर बिराग-तोष सकल संत आदरे ।तुलसिदास प्रभु कृपालु, निरखि जीव जन बिहालु, भंज्यो भव-जाल परम मंगलाचरे॥ 4 ॥

śravana suni girā ga~bhīra, jāge ati dhīra bīra, bara birāga-toṣa sakala saṃta ādare | tulasidāsa prabhu kṛpālu, nirakhi jīva jana bihālu, bhaṃjyo bhava-jāla parama maṃgalācare