प्रथम अध्याय

अथातो भक्तिजिज्ञासा॥ 1 ॥

athāto bhaktijijñāsā

सा परानुरक्तिरीश्वरे॥ 2 ॥

sā parānuraktirīśvare

तत्संस्थस्यामृतत्वोपदेशात्॥ 3 ॥

tatsaṃsthasyāmṛtatvopadeśāt

ज्ञानमिति चेन्न द्विषतोऽपि ज्ञानस्य तदसंस्थितेः॥ 4 ॥

jñānamiti cenna dviṣato'pi jñānasya tadasaṃsthiteḥ

तयोपक्षयाच्च॥ 5 ॥

tayopakṣayācca

द्वेषप्रतिपक्षभावाद्रसशब्दाच्च रागः॥ 6 ॥

dveṣapratipakṣabhāvādrasaśabdācca rāgaḥ

न क्रिया कृत्यनपेक्षणाज्ज्ञानवत्॥ 7 ॥

na kriyā kṛtyanapekṣaṇājjñānavat

अत एव फलानन्त्यम्॥ 8 ॥

ata eva phalānantyam

तद्वतः प्रपत्तिशब्दाच्च न ज्ञानमितरप्रपत्तिवत्॥ 9 ॥

tadvataḥ prapattiśabdācca na jñānamitaraprapattivat

सा मुख्येतरापेक्षितत्वात्॥ 10 ॥

sā mukhyetarāpekṣitatvāt

प्रकरणाच्च॥ 11 ॥

prakaraṇācca

दर्शनफलमिति चेन्न तेन व्यवधानात्॥ 12 ॥

darśanaphalamiti cenna tena vyavadhānāt

दृष्टत्वाच्च॥ 13 ॥

dṛṣṭatvācca

अत एव तदभावाद्वल्लवीनाम्॥ 14 ॥

ata eva tadabhāvādvallavīnām

भक्त्या जानातीति चेन्नाभिज्ञप्त्या साहाय्यात्॥ 15 ॥

bhaktyā jānātīti cennābhijñaptyā sāhāyyāt

प्रागुक्तं च॥ 16 ॥

prāguktaṃ ca

एतेन विकल्पोऽपि प्रत्युक्तः॥ 17 ॥

etena vikalpo'pi pratyuktaḥ

देवभक्तिरितरस्मिन् साहचर्यात्॥ 18 ॥

devabhaktiritarasmin sāhacaryāt

योगस्तूभयार्थमपेक्षणात् प्रयाजवत्॥ 19 ॥

yogastūbhayārthamapekṣaṇāt prayājavat

गौण्या तु समाधिसिद्धिः॥ 20 ॥

gauṇyā tu samādhisiddhiḥ

हेया रागत्वादिति चेन्नोत्तमास्पदत्वात् सङ्गवत्॥ 21 ॥

heyā rāgatvāditi cennottamāspadatvāt saṅgavat

तदेव कर्मिज्ञानियोगिभ्य आधिक्यशब्दात्॥ 22 ॥

tadeva karmijñāniyogibhya ādhikyaśabdāt

प्रश्ननिरूपणाभ्यामाधिक्यसिद्धेः॥ 23 ॥

praśnanirūpaṇābhyāmādhikyasiddheḥ

नैव श्रद्धा तु साधारण्यात्॥ 24 ॥

naiva śraddhā tu sādhāraṇyāt

तस्यां तत्त्वे चानवस्थानात्॥ 25 ॥

tasyāṃ tattve cānavasthānāt

ब्रह्मकाण्डं तु भक्तौ तस्यानुज्ञानाय सामान्यात्॥ 26 ॥

brahmakāṇḍaṃ tu bhaktau tasyānujñānāya sāmānyāt