तृतीय अध्याय

भजनीयेनाद्वितीयमिदं कृत्स्नस्य तत्स्वरूपत्वात्॥ 85 ॥

bhajanīyenādvitīyamidaṃ kṛtsnasya tatsvarūpatvāt

तच्छक्तिर्माया जडसामान्यात्॥ 86 ॥

tacchaktirmāyā jaḍasāmānyāt

व्यापकत्वाद्व्याप्यानाम्॥ 87 ॥

vyāpakatvādvyāpyānām

न प्राणिबुद्धिभ्योऽसम्भवात्॥ 88 ॥

na prāṇibuddhibhyo'sambhavāt

निर्मायोच्चावचं श्रुतीश्च निर्मिमीते पितृवत्॥ 89 ॥

nirmāyoccāvacaṃ śrutīśca nirmimīte pitṛvat

मिश्रोपदेशान्नेति चेन्न स्वल्पत्वात्॥ 90 ॥

miśropadeśānneti cenna svalpatvāt

फलमस्माद्बादरायणो दृष्टत्वात्॥ 91 ॥

phalamasmādbādarāyaṇo dṛṣṭatvāt

व्युत्क्रमादप्ययस्तथा दृष्टम्॥ 92 ॥

vyutkramādapyayastathā dṛṣṭam

तदैक्यं नानात्वैकत्वमुपाधियोगहानादादित्यवत्॥ 93 ॥

tadaikyaṃ nānātvaikatvamupādhiyogahānādādityavat

पृथगिति चेन्न परेणासम्बन्धात् प्रकाशानाम्॥ 94 ॥

pṛthagiti cenna pareṇāsambandhāt prakāśānām

न विकारिणस्तु करणविकारात्॥ 95 ॥

na vikāriṇastu karaṇavikārāt

अनन्यभक्त्या तद्बुद्धिर्बुद्धिलयादत्यन्तम्॥ 96 ॥

ananyabhaktyā tadbuddhirbuddhilayādatyantam

आयुश्चिरमितरेषां तु हानिरनास्पदत्वात्॥ 97 ॥

āyuściramitareṣāṃ tu hāniranāspadatvāt

संसृतिरेषामभक्तिः स्यान्नाज्ञानात् कारणासिद्धेः॥ 98 ॥

saṃsṛtireṣāmabhaktiḥ syānnājñānāt kāraṇāsiddheḥ

त्रीण्येषां नेत्राणि शब्दलिङ्गाक्षभेदाद्रुद्रवत्॥ 99 ॥

trīṇyeṣāṃ netrāṇi śabdaliṅgākṣabhedādrudravat

आविस्तिरोभावा विकाराः स्युः क्रियाफलसंयोगात्॥ 100 ॥

āvistirobhāvā vikārāḥ syuḥ kriyāphalasaṃyogāt