पद ५९

देव-- दीन-उद्धरण रघुवर्य करुणाभवन शमन-संताप पापौघहारी ।बिमल बिज्ञान-बिग्रह, अनुग्रहरूप, भूपवर, बिबुध-नर्मद, खरारी॥ 1 ॥

deva-- dīna-uddharaṇa raghuvarya karuṇābhavana śamana-saṃtāpa pāpaughahārī | bimala bijñāna-bigraha, anugraharūpa, bhūpavara, bibudha-narmada, kharārī

संसार-कांतार अति घोर, गंभीर, घन, गहन, तरुकर्मसंकुल, मुरारी ।वासना बल्लि खर-कंटकाकुल बिपुल, निबिड़ बिटपाटवी कठिन भारी॥ 2 ॥

saṃsāra-kāṃtāra ati ghora, gaṃbhīra, ghana, gahana, tarukarmasaṃkula, murārī | vāsanā balli khara-kaṃṭakākula bipula, nibiḍa़ biṭapāṭavī kaṭhina bhārī

बिबिध चितबृत्ति-खग निकर श्येनोलूक, काक बक गृध्र आमिष-अहारी ।अखिल खल, निपुण छल, छिद्र निरखत सदा, जीवजनपथिकमन-खेदकारी॥ 3 ॥

bibidha citabṛtti-khaga nikara śyenolūka, kāka baka gṛdhra āmiṣa-ahārī | akhila khala, nipuṇa chala, chidra nirakhata sadā, jīvajanapathikamana-khedakārī

क्रोध करिमत्त, मृगराज, कंदर्प, मद-दर्प वृक-भालु अति उग्रकर्मा ।महिष मत्सर क्रूर, लोभ शूकररूप, फेरु छल, दंभ मार्जारधर्मा॥ 4 ॥

krodha karimatta, mṛgarāja, kaṃdarpa, mada-darpa vṛka-bhālu ati ugrakarmā | mahiṣa matsara krūra, lobha śūkararūpa, pheru chala, daṃbha mārjāradharmā

कपट मर्कट बिकट, ब्याघ्र पाखंडमुख, दुखद मृगब्रात, उत्पातकर्ता ।हृदय अवलोकि यह शोक शरणागतं, पाहि मां पाहि भो बिश्वभर्त्ता॥ 5 ॥

kapaṭa markaṭa bikaṭa, byāghra pākhaṃḍamukha, dukhada mṛgabrāta, utpātakartā | hṛdaya avaloki yaha śoka śaraṇāgataṃ, pāhi māṃ pāhi bho biśvabharttā

प्रबल अहँकार दुरघट महीधर, महामोह गिरि-गुहा निबिड़ांधकारं ।चित्त बेताल, मनुजाद मन, प्रेतगन रोग भोगौघ बृश्चिक-बिकारं॥ 6 ॥

prabala aha~kāra duraghaṭa mahīdhara, mahāmoha giri-guhā nibiḍa़āṃdhakāraṃ | citta betāla, manujāda mana, pretagana roga bhogaugha bṛścika-bikāraṃ

बिषय-सुख-लालसा दंश-मशकादि, खल झिल्लि रूपादि सब सर्प, स्वामी ।तत्र आक्षिप्त तव बिषम माया नाथ, अंध मैं मंद, ब्यालादगामी॥ 7 ॥

biṣaya-sukha-lālasā daṃśa-maśakādi, khala jhilli rūpādi saba sarpa, svāmī | tatra ākṣipta tava biṣama māyā nātha, aṃdha maiṃ maṃda, byālādagāmī

घोर अवगाह भव आपगा पापजलपूर, दुष्प्रेक्ष्य, दुस्तर, अपारा ।मकर षड्वर्ग, गो नक्र चक्राकुला, कूल शुभ-अशुभ, दुख तीब्र धारा॥ 8 ॥

ghora avagāha bhava āpagā pāpajalapūra, duṣprekṣya, dustara, apārā | makara ṣaḍvarga, go nakra cakrākulā, kūla śubha-aśubha, dukha tībra dhārā

सकल संघट पोच शोचबश सर्बदा दासतुलसी बिषम गहनग्रस्तं ।त्राहि रघुवंशभूषण कृपा कर, कठिन काल बिकराल-कलित्रासत्रस्तं॥ 9 ॥

sakala saṃghaṭa poca śocabaśa sarbadā dāsatulasī biṣama gahanagrastaṃ | trāhi raghuvaṃśabhūṣaṇa kṛpā kara, kaṭhina kāla bikarāla-kalitrāsatrastaṃ