Bal Kanda — Beginnings

वर्णानामर्थसंघानां रसानां छन्दसामपि।मङ्गलानां च कर्त्तारौ वन्दे वाणीविनायकौ॥ 1 ॥

varṇānāmarthasaṃghānāṃ rasānāṃ chandasāmapi| maṅgalānāṃ ca karttārau vande vāṇīvināyakau

भवानीशङ्करौ वन्दे श्रद्धाविश्वासरूपिणौ।याभ्यां विना न पश्यन्ति सिद्धा: स्वान्त:स्थमीश्वरम्॥ 2 ॥

bhavānīśaṅkarau vande śraddhāviśvāsarūpiṇau| yābhyāṃ vinā na paśyanti siddhā: svānta:sthamīśvaram

वन्दे बोधमयं नित्यं गुरुं शङ्कररूपिणम्।यमाश्रितो हि वक्रोऽपि चन्द्र: सर्वत्र वन्द्यते॥ 3 ॥

vande bodhamayaṃ nityaṃ guruṃ śaṅkararūpiṇam| yamāśrito hi vakro'pi candra: sarvatra vandyate

सीतारामगुणग्रामपुण्यारण्यविहारिणौ।वन्दे विशुद्धविज्ञानौ कवीश्वरकपीश्वरौ॥ 4 ॥

sītārāmaguṇagrāmapuṇyāraṇyavihāriṇau| vande viśuddhavijñānau kavīśvarakapīśvarau

उद्भवस्थितिसंहारकारिणीं क्लेशहारिणीम्।सर्वश्रेयस्करीं सीतां नतोऽहं रामवल्लभाम्॥ 5 ॥

udbhavasthitisaṃhārakāriṇīṃ kleśahāriṇīm| sarvaśreyaskarīṃ sītāṃ nato'haṃ rāmavallabhām

यन्मायावशवर्त्ति विश्वमखिलं ब्रह्मादिदेवासुरा यत्सत्त्वादमृषैव भाति सकलं रज्जौ यथाहेर्भ्रम:।यत्पादप्लवमेकमेव हि भवाम्भोधेस्तितीर्षावतां वन्देऽहं तमशेषकारणपरं रामाख्यमीशं हरिम्॥ 6 ॥

yanmāyāvaśavartti viśvamakhilaṃ brahmādidevāsurā yatsattvādamṛṣaiva bhāti sakalaṃ rajjau yathāherbhrama:| yatpādaplavamekameva hi bhavāmbhodhestitīrṣāvatāṃ vande'haṃ tamaśeṣakāraṇaparaṃ rāmākhyamīśaṃ harim

नानापुराणनिगमागमसम्मतं यद् रामायणे निगदितं क्वचिदन्यतोऽपि।स्वान्त:सुखाय तुलसी रघुनाथगाथा- भाषानिबन्धमतिमञ्जुलमातनोति॥ 7 ॥

nānāpurāṇanigamāgamasammataṃ yad rāmāyaṇe nigaditaṃ kvacidanyato'pi| svānta:sukhāya tulasī raghunāthagāthā- bhāṣānibandhamatimañjulamātanoti

सो०—जो सुमिरत सिधि होइ गन नायक करिबर बदन।करउ अनुग्रह सोइ बुद्धि रासि सुभ गुन सदन॥ 8 ॥

so0—jo sumirata sidhi hoi gana nāyaka karibara badana| karau anugraha soi buddhi rāsi subha guna sadana

मूक होइ बाचाल पंगु चढ़इ गिरिबर गहन।जासु कृपाँ सो दयाल द्रवउ सकल कलि मल दहन॥ 9 ॥

mūka hoi bācāla paṃgu caḍha़i giribara gahana| jāsu kṛpām̐ so dayāla dravau sakala kali mala dahana

नील सरोरुह स्याम तरुन अरुन बारिज नयन।करउ सो मम उर धाम सदा छीरसागर सयन॥ 10 ॥

nīla saroruha syāma taruna aruna bārija nayana| karau so mama ura dhāma sadā chīrasāgara sayana

कुंद इंदु सम देह उमा रमन करुना अयन।जाहि दीन पर नेह करउ कृपा मर्दन मयन॥ 11 ॥

kuṃda iṃdu sama deha umā ramana karunā ayana| jāhi dīna para neha karau kṛpā mardana mayana

बंदउँ गुरु पद कंज कृपा सिंधु नररूप हरि।महामोह तम पुंज जासु बचन रबि कर निकर॥ 12 ॥

baṃdaum̐ guru pada kaṃja kṛpā siṃdhu nararūpa hari| mahāmoha tama puṃja jāsu bacana rabi kara nikara

बंदउँ गुरु पद पदुम परागा।सुरुचि सुबास सरस अनुरागा॥ अमिअ मूरिमय चूरन चारू।समन सकल भव रुज परिवारू॥ 13 ॥

baṃdaum̐ guru pada paduma parāgā| suruci subāsa sarasa anurāgā|| amia mūrimaya cūrana cārū| samana sakala bhava ruja parivārū

सुकृति संभु तन बिमल बिभूती।मंजुल मंगल मोद प्रसूती॥ जन मन मंजु मुकुर मल हरनी।किएँ तिलक गुन गन बस करनी॥ 14 ॥

sukṛti saṃbhu tana bimala bibhūtī| maṃjula maṃgala moda prasūtī|| jana mana maṃju mukura mala haranī| kiem̐ tilaka guna gana basa karanī

श्रीगुर पद नख मनि गन जोती।सुमिरत दिब्य दृष्टि हियँ होती॥ दलन मोह तम सो सप्रकासू।बड़े भाग उर आवइ जासू॥ 15 ॥

śrīgura pada nakha mani gana jotī| sumirata dibya dṛṣṭi hiyam̐ hotī|| dalana moha tama so saprakāsū| baḍa़e bhāga ura āvai jāsū

उघरहिं बिमल बिलोचन ही के।मिटहिं दोष दुख भव रजनी के॥ सूझहिं राम चरित मनि मानिक।गुपुत प्रगट जहँ जो जेहि खानिक॥ 16 ॥

ugharahiṃ bimala bilocana hī ke| miṭahiṃ doṣa dukha bhava rajanī ke|| sūjhahiṃ rāma carita mani mānika| guputa pragaṭa jaham̐ jo jehi khānika

दो०—जथा सुअंजन अंजि दृग साधक सिद्ध सुजान।कौतुक देखत सैल बन भूतल भूरि निधान॥ 17 ॥

do0—jathā suaṃjana aṃji dṛga sādhaka siddha sujāna| kautuka dekhata saila bana bhūtala bhūri nidhāna

गुरु पद रज मृदु मंजुल अंजन।नयन अमिअ दृग दोष बिभंजन॥ तेहिं करि बिमल बिबेक बिलोचन।बरनउँ राम चरित भव मोचन॥ 18 ॥

guru pada raja mṛdu maṃjula aṃjana| nayana amia dṛga doṣa bibhaṃjana|| tehiṃ kari bimala bibeka bilocana| baranaum̐ rāma carita bhava mocana

बंदउँ प्रथम महीसुर चरना।मोह जनित संसय सब हरना॥ सुजन समाज सकल गुन खानी।करउँ प्रनाम सप्रेम सुबानी॥ 19 ॥

baṃdaum̐ prathama mahīsura caranā| moha janita saṃsaya saba haranā|| sujana samāja sakala guna khānī| karaum̐ pranāma saprema subānī

साधु चरित सुभ चरित कपासू।निरस बिसद गुनमय फल जासू॥ जो सहि दुख परछिद्र दुरावा।बंदनीय जेहिं जग जस पावा॥ 20 ॥

sādhu carita subha carita kapāsū| nirasa bisada gunamaya phala jāsū|| jo sahi dukha parachidra durāvā| baṃdanīya jehiṃ jaga jasa pāvā

मुद मंगलमय संत समाजू।जो जग जंगम तीरथराजू॥ राम भक्ति जहँ सुरसरि धारा।सरसइ ब्रह्म बिचार प्रचारा॥ 21 ॥

muda maṃgalamaya saṃta samājū| jo jaga jaṃgama tīratharājū|| rāma bhakti jaham̐ surasari dhārā| sarasai brahma bicāra pracārā

बिधि निषेधमय कलिमल हरनी।करम कथा रबिनंदनि बरनी॥ हरि हर कथा बिराजति बेनी।सुनत सकल मुद मंगल देनी॥ 22 ॥

bidhi niṣedhamaya kalimala haranī| karama kathā rabinaṃdani baranī|| hari hara kathā birājati benī| sunata sakala muda maṃgala denī

बटु बिस्वास अचल निज धरमा।तीरथराज समाज सुकरमा॥ सबहि सुलभ सब दिन सब देसा।सेवत सादर समन कलेसा॥ 23 ॥

baṭu bisvāsa acala nija dharamā| tīratharāja samāja sukaramā|| sabahi sulabha saba dina saba desā| sevata sādara samana kalesā

अकथ अलौकिक तीरथराऊ।देइ सद्य फल प्रगट प्रभाऊ॥ 24 ॥

akatha alaukika tīratharāū| dei sadya phala pragaṭa prabhāū

दो०—सुनि समुझहिं जन मुदित मन मज्जहिं अति अनुराग।लहहिं चारि फल अछत तनु साधु समाज प्रयाग॥ 25 ॥

do0—suni samujhahiṃ jana mudita mana majjahiṃ ati anurāga| lahahiṃ cāri phala achata tanu sādhu samāja prayāga

मज्जन फल पेखिअ ततकाला।काक होहिं पिक बकउ मराला॥ सुनि आचरज करै जनि कोई।सतसंगति महिमा नहिं गोई॥ 26 ॥

majjana phala pekhia tatakālā| kāka hohiṃ pika bakau marālā|| suni ācaraja karai jani koī| satasaṃgati mahimā nahiṃ goī

बालमीक नारद घटजोनी।निज निज मुखनि कही निज होनी॥ जलचर थलचर नभचर नाना।जे जड़ चेतन जीव जहाना॥ 27 ॥

bālamīka nārada ghaṭajonī| nija nija mukhani kahī nija honī|| jalacara thalacara nabhacara nānā| je jaḍa़ cetana jīva jahānā

मति कीरति गति भूति भलाई।जब जेहिं जतन जहाँ जेहिं पाई॥ सो जानब सतसंग प्रभाऊ।लोकहुँ बेद न आन उपाऊ॥ 28 ॥

mati kīrati gati bhūti bhalāī| jaba jehiṃ jatana jahām̐ jehiṃ pāī|| so jānaba satasaṃga prabhāū| lokahum̐ beda na āna upāū

बिनु सतसंग बिबेक न होई।राम कृपा बिनु सुलभ न सोई॥ सतसंगत मुद मंगल मूला।सोइ फल सिधि सब साधन फूला॥ 29 ॥

binu satasaṃga bibeka na hoī| rāma kṛpā binu sulabha na soī|| satasaṃgata muda maṃgala mūlā| soi phala sidhi saba sādhana phūlā

सठ सुधरहिं सतसंगति पाई।पारस परस कुधात सुहाई॥ बिधि बस सुजन कुसंगत परहीं।फनि मनि सम निज गुन अनुसरहीं॥ 30 ॥

saṭha sudharahiṃ satasaṃgati pāī| pārasa parasa kudhāta suhāī|| bidhi basa sujana kusaṃgata parahīṃ| phani mani sama nija guna anusarahīṃ