Uttar Kanda — The Golden Age

केकीकण्ठाभनीलं सुरवरविलसद्विप्रपादाब्जचिह्नं शोभाढ्यं पीतवस्त्रं सरसिजनयनं सर्वदा सुप्रसन्नम्।पाणौ नाराचचापं कपिनिकरयुतं बन्धुना सेव्यमानं नौमीड्यं जानकीशं रघुवरमनिशं पुष्पकारूढरामम्॥ 1 ॥

kekīkaṇṭhābhanīlaṃ suravaravilasadviprapādābjacihnaṃ śobhāḍhyaṃ pītavastraṃ sarasijanayanaṃ sarvadā suprasannam| pāṇau nārācacāpaṃ kapinikarayutaṃ bandhunā sevyamānaṃ naumīḍyaṃ jānakīśaṃ raghuvaramaniśaṃ puṣpakārūḍharāmam

कोसलेन्द्रपदकञ्जमञ्जुलौ कोमलावजमहेशवन्दितौ।जानकीकरसरोजलालितौ चिन्तकस्य मनभृङ्गसङ्गिनौ॥ 2 ॥

kosalendrapadakañjamañjulau komalāvajamaheśavanditau| jānakīkarasarojalālitau cintakasya manabhṛṅgasaṅginau

कुन्दइन्दुदरगौरसुन्दरं अम्बिकापतिमभीष्टसिद्धिदम्।कारुणीककलकञ्जलोचनं नौमि शङ्करमनङ्गमोचनम्॥ 3 ॥

kundaindudaragaurasundaraṃ ambikāpatimabhīṣṭasiddhidam| kāruṇīkakalakañjalocanaṃ naumi śaṅkaramanaṅgamocanam

दो०—रहा एक दिन अवधि कर अति आरत पुर लोग।जहँ तहँ सोचहिं नारि नर कृस तन राम बियोग॥ 4 ॥

do0—rahā eka dina avadhi kara ati ārata pura loga| jaham̐ taham̐ socahiṃ nāri nara kṛsa tana rāma biyoga

अहह धन्य लछिमन बड़भागी।राम पदारबिंदु अनुरागी॥ कपटी कुटिल मोहि प्रभु चीन्हा।ताते नाथ संग नहिं लीन्हा॥ 5 ॥

ahaha dhanya lachimana baḍa़bhāgī| rāma padārabiṃdu anurāgī|| kapaṭī kuṭila mohi prabhu cīnhā| tāte nātha saṃga nahiṃ līnhā

जौं करनी समुझै प्रभु मोरी।नहिं निस्तार कलप सत कोरी॥ जन अवगुन प्रभु मान न काऊ।दीन बंधु अति मृदुल सुभाऊ॥ 6 ॥

jauṃ karanī samujhai prabhu morī| nahiṃ nistāra kalapa sata korī|| jana avaguna prabhu māna na kāū| dīna baṃdhu ati mṛdula subhāū

मोरे जियँ भरोस दृढ़ सोई।मिलिहहिं राम सगुन सुभ होई॥ बीतें अवधि रहहिं जौं प्राना।अधम कवन जग मोहि समाना॥ 7 ॥

more jiyam̐ bharosa dṛḍha़ soī| milihahiṃ rāma saguna subha hoī|| bīteṃ avadhi rahahiṃ jauṃ prānā| adhama kavana jaga mohi samānā

दो०—राम बिरह सागर महँ भरत मगन मन होत।बिप्र रूप धरि पवनसुत आइ गयउ जनु पोत॥ 8 ॥

do0—rāma biraha sāgara maham̐ bharata magana mana hota| bipra rūpa dhari pavanasuta āi gayau janu pota

जासु बिरहँ सोचहु दिन राती।रटहु निरंतर गुन गन पाँती॥ रघुकुल तिलक सुजन सुखदाता।आयउ कुसल देव मुनि त्राता॥ 9 ॥

jāsu biraham̐ socahu dina rātī| raṭahu niraṃtara guna gana pām̐tī|| raghukula tilaka sujana sukhadātā| āyau kusala deva muni trātā

रिपु रन जीति सुजस सुर गावत।सीता सहित अनुज प्रभु आवत॥ सुनत बचन बिसरे सब दूखा।तृषावंत जिमि पाइ पियूषा॥ 10 ॥

ripu rana jīti sujasa sura gāvata| sītā sahita anuja prabhu āvata|| sunata bacana bisare saba dūkhā| tṛṣāvaṃta jimi pāi piyūṣā

को तुम्ह तात कहाँ ते आए।मोहि परम प्रिय बचन सुनाए॥ मारुत सुत मैं कपि हनुमाना।नामु मोर सुनु कृपानिधाना॥ 11 ॥

ko tumha tāta kahām̐ te āe| mohi parama priya bacana sunāe|| māruta suta maiṃ kapi hanumānā| nāmu mora sunu kṛpānidhānā

दीनबंधु रघुपति कर किंकर।सुनत भरत भेंटेउ उठि सादर॥ मिलत प्रेम नहिं हृदयँ समाता।नयन स्रवत जल पुलकित गाता॥ 12 ॥

dīnabaṃdhu raghupati kara kiṃkara| sunata bharata bheṃṭeu uṭhi sādara|| milata prema nahiṃ hṛdayam̐ samātā| nayana sravata jala pulakita gātā

कपि तव दरस सकल दुख बीते।मिले आजु मोहि राम पिरीते॥ बार बार बूझी कुसलाता।तो कहुँ देउँ काह सुनु भ्राता॥ 13 ॥

kapi tava darasa sakala dukha bīte| mile āju mohi rāma pirīte|| bāra bāra būjhī kusalātā| to kahum̐ deum̐ kāha sunu bhrātā

एहि संदेस सरिस जग माहीं।करि बिचार देखेउँ कछु नाहीं॥ नाहिन तात उरिन मैं तोही।अब प्रभु चरित सुनावहु मोही॥ 14 ॥

ehi saṃdesa sarisa jaga māhīṃ| kari bicāra dekheum̐ kachu nāhīṃ|| nāhina tāta urina maiṃ tohī| aba prabhu carita sunāvahu mohī

तब हनुमंत नाइ पद माथा।कहे सकल रघुपति गुन गाथा॥ कहु कपि कबहुँ कृपाल गोसाईं।सुमिरहिं मोहि दास की नाईं॥ 15 ॥

taba hanumaṃta nāi pada māthā| kahe sakala raghupati guna gāthā|| kahu kapi kabahum̐ kṛpāla gosāīṃ| sumirahiṃ mohi dāsa kī nāīṃ

छं०—निज दास ज्यों रघुबंसभूषन कबहुँ मम सुमिरन कर्यो।सुनि भरत बचन बिनीत अति कपि पुलकि तन चरनन्हि पर्यो॥ रघुबीर निज मुख जासु गुन गन कहत अग जग नाथ जो।काहे न होइ बिनीत परम पुनीत सदगुन सिंधु सो॥ 16 ॥

chaṃ0—nija dāsa jyoṃ raghubaṃsabhūṣana kabahum̐ mama sumirana karyo| suni bharata bacana binīta ati kapi pulaki tana carananhi paryo|| raghubīra nija mukha jāsu guna gana kahata aga jaga nātha jo| kāhe na hoi binīta parama punīta sadaguna siṃdhu so

सुनत सकल जननीं उठि धाईं।कहि प्रभु कुसल भरत समुझाईं॥ समाचार पुरबासिन्ह पाए।नर अरु नारि हरषि सब धाए॥ 17 ॥

sunata sakala jananīṃ uṭhi dhāīṃ| kahi prabhu kusala bharata samujhāīṃ|| samācāra purabāsinha pāe| nara aru nāri haraṣi saba dhāe

दधि दुर्बा रोचन फल फूला।नव तुलसी दल मंगल मूला॥ भरि भरि हेम थार भामिनी।गावत चलिं सिंधुरगामिनी॥ 18 ॥

dadhi durbā rocana phala phūlā| nava tulasī dala maṃgala mūlā|| bhari bhari hema thāra bhāminī| gāvata caliṃ siṃdhuragāminī

जे जैसेहिं तैसेहिं उठि धावहिं।बाल बृद्ध कहँ संग न लावहिं॥ एक एकन्ह कहँ बूझहिं भाई।तुम्ह देखे दयाल रघुराई॥ 19 ॥

je jaisehiṃ taisehiṃ uṭhi dhāvahiṃ| bāla bṛddha kaham̐ saṃga na lāvahiṃ|| eka ekanha kaham̐ būjhahiṃ bhāī| tumha dekhe dayāla raghurāī

अवधपुरी प्रभु आवत जानी।भई सकल सोभा कै खानी॥ बहइ सुहावन त्रिबिध समीरा।भइ सरजू अति निर्मल नीरा॥ 20 ॥

avadhapurī prabhu āvata jānī| bhaī sakala sobhā kai khānī|| bahai suhāvana tribidha samīrā| bhai sarajū ati nirmala nīrā

दो०—हरषित गुर परिजन अनुज भूसुर बृंद समेत।चले भरत मन प्रेम अति सन्मुख कृपानिकेत॥ 21 ॥

do0—haraṣita gura parijana anuja bhūsura bṛṃda sameta| cale bharata mana prema ati sanmukha kṛpāniketa

जद्यपि सब बैकुंठ बखाना।बेद पुरान बिदित जगु जाना॥ अवधपुरी सम प्रिय नहिं सोऊ।यह प्रसंग जानइ कोउ कोऊ॥ 22 ॥

jadyapi saba baikuṃṭha bakhānā| beda purāna bidita jagu jānā|| avadhapurī sama priya nahiṃ soū| yaha prasaṃga jānai kou koū

जन्मभूमि मम पुरी सुहावनि।उत्तर दिसि बह सरजू पावनि॥ जा मज्जन ते बिनहिं प्रयासा।मम समीप नर पावहिं बासा॥ 23 ॥

janmabhūmi mama purī suhāvani| uttara disi baha sarajū pāvani|| jā majjana te binahiṃ prayāsā| mama samīpa nara pāvahiṃ bāsā

अति प्रिय मोहि इहाँ के बासी।मम धामदा पुरी सुख रासी॥ हरषे सब कपि सुनि प्रभु बानी।धन्य अवध जो राम बखानी॥ 24 ॥

ati priya mohi ihām̐ ke bāsī| mama dhāmadā purī sukha rāsī|| haraṣe saba kapi suni prabhu bānī| dhanya avadha jo rāma bakhānī

दो०—आवत देखि लोग सब कृपासिंधु भगवान।नगर निकट प्रभु प्रेरेउ उतरेउ भूमि बिमान॥ 25 ॥

do0—āvata dekhi loga saba kṛpāsiṃdhu bhagavāna| nagara nikaṭa prabhu prereu utareu bhūmi bimāna

धाइ धरे गुर चरन सरोरुह।अनुज सहित अति पुलक तनोरुह॥ भेंटि कुसल बूझी मुनिराया।हमरें कुसल तुम्हारिहिं दाया॥ 26 ॥

dhāi dhare gura carana saroruha| anuja sahita ati pulaka tanoruha|| bheṃṭi kusala būjhī munirāyā| hamareṃ kusala tumhārihiṃ dāyā

सकल द्विजन्ह मिलि नायउ माथा।धर्म धुरंधर रघुकुलनाथा॥ गहे भरत पुनि प्रभु पद पंकज।नमत जिन्हहि सुर मुनि संकर अज॥ 27 ॥

sakala dvijanha mili nāyau māthā| dharma dhuraṃdhara raghukulanāthā|| gahe bharata puni prabhu pada paṃkaja| namata jinhahi sura muni saṃkara aja

परे भूमि नहिं उठत उठाए।बर करि कृपासिंधु उर लाए॥ स्यामल गात रोम भए ठाढ़े।नव राजीव नयन जल बाढ़े॥ 28 ॥

pare bhūmi nahiṃ uṭhata uṭhāe| bara kari kṛpāsiṃdhu ura lāe|| syāmala gāta roma bhae ṭhāḍha़e| nava rājīva nayana jala bāḍha़e

छं०—राजीव लोचन स्रवत जल तन ललित पुलकावलि बनी।अति प्रेम हृदयँ लगाइ अनुजहि मिले प्रभु त्रिभुअन धनी॥ प्रभु मिलत अनुजहि सोह मो पहिं जाति नहिं उपमा कही।जनु प्रेम अरु सिंगार तनु धरि मिले बर सुषमा लही॥ 29 ॥

chaṃ0—rājīva locana sravata jala tana lalita pulakāvali banī| ati prema hṛdayam̐ lagāi anujahi mile prabhu tribhuana dhanī|| prabhu milata anujahi soha mo pahiṃ jāti nahiṃ upamā kahī| janu prema aru siṃgāra tanu dhari mile bara suṣamā lahī

बूझत कृपानिधि कुसल भरतहि बचन बेगि न आवई।सुनु सिवा सो सुख बचन मन ते भिन्न जान जो पावई॥ अब कुसल कौसलनाथ आरत जानि जन दरसन दियो।बूड़त बिरह बारीस कृपानिधान मोहि कर गहि लियो॥ 30 ॥

būjhata kṛpānidhi kusala bharatahi bacana begi na āvaī| sunu sivā so sukha bacana mana te bhinna jāna jo pāvaī|| aba kusala kausalanātha ārata jāni jana darasana diyo| būḍa़ta biraha bārīsa kṛpānidhāna mohi kara gahi liyo